Hierdie frase is ‘n kort samevatting waaroor die webwerf handel.
ALTA PETE is ‘n Latynse idioom, wat beteken “om na hoër dinge te streef” of bloot “mik hoog.” Hierdie frase is ‘n kort samevatting waaroor die webwerf handel.
In ons moderne wêreld is die neiging toenemend om die lelike, die banale, sonde en dwaling te verheerlik. Verskeie redes/ondeugde is ter sprake.
Die beroemde Brasiliaanse anti-kommunistiese leier en man van aksie, Professor Plinio Correa de Oliveira, karakteriseer twee hiervan as “hoogmoed” en “sensualiteit.” In sy gevierde werk “Revolution and Counter-Revolution”, wat die wereld en sy opmars na ondergang ontleed, sonder De Oliveira hierdie redes of ondeugde uit as hoofdryfvere van ‘n ongebreidelde “egalitarisme” en “liberalisme”.
As ons dit verder uitpak, is dit duidelik dat die samelewing op pad is na ‘n revolusionêre gelykmakingsproses wat terselfdertyd die omverwerping van alle morele selfbeheersing in die hand werk. Sonder die ingryping van die Almagtige God sal, wat ‘n mens verstaan as ‘n “Christelike Beskawing,” uitsterf. Ongelukkig help meeste regerings hierdie verval aan. Dit sal lei tot die algehele oorwinning van sosialisme…
Baie mense is oënskynlik onbewus van hierdie bedreiging en aanvaar bloot die narratief soos deur die populêre media gepropageer. Plinio Correa De Oliveira karakteriseer hierdie vasberade opmars na chaos en wanorde as “Die Revolusie” en die bestryding van hierdie verval as “Die Kontrarevolusie.”
Een van die doelwitte van die “Kontrarevolusie” is om die finale stasie van hierdie verwoestende reis uit te spel, en sodoende diegene wat subtiel meegevoer en gemanipuleer word, ‘n lewensreddende “geestelike skok” te gee ten einde hulle te ontruk uit hierdie resiestrein. Hierdie verskynsel word soms ook beskryf as “deur die werklikheid gestroop” te word.
Dus, deur die genade van God, kan mense dan in staat wees om te herevalueer presies hoe die wêreld en die samelewing tot so ‘n stand van sake kon gekom het! Hierdie “ontwaking” kan groot gevolge vir individue, gemeenskappe en selfs nasies inhou.
Dit is ‘n goeie metafoor vir hoe ons die huidige situasie en die groot konflikte van ons dae sien. Meer nog, ons kan sê ons is gedompel in ‘n diepgaande geestelike oorlogvoering, waar die spel nie hoër kan wees nie – die siele van die mensdom.
ALTA PETE stel ten doel om relevante artikels, kommentaar en ontledings te verskaf met die hoop en vertroue om te inspireer, bewustheid te skep en denke te stimuleer om oor die stand van die wêreld, die samelewing en die Kerk te besin – en terselfdertyd die lieflike en bevrydende alternatiewe wat deur die genade van God moontlik is te herontdek en te implimenteer!
Die sentrale tema van die webwerf sal ten doel hê om denke en hart tot God te verhef om verhewe onderwerpe te veredel en te bespreek. Dit sal gaan oor grootsheid, heldhaftigheid en oor die goeie, die ware en die skone. Sekerlik, ‘n baie verhewe en ambisieuse doelwit, maar noodsaaklike “sielskos” om die egalitêre, lelike, “massifikasie” van die moderne wêreld teë te werk!
Die mens word besiel met so ‘n enorme waardigheid, wat by gebrek aan voeding maklik tot die dierlike vlak daal. So sien ons vandag ‘n byna “kollektiewe waansin” en byna totale verlies van die “lig van rede!”
Die materiaal op hierdie webwerf is grootliks – maar nie uitsluitlik nie – uit Katolieke bronne. Die Afrikaanse vertalings is die vrug van toegewyde Katolieke Afrikaners. Gebede en items spesifiek van Katolieke oorsprong of etos word hier gedeel.
Natuurlik is dit bedoel vir diegene van soortgelyke geloofsingesteldheid wat geestesgoed in hulle moedertaal soek, maar omdat die geskiedenis en diepte van die Katolieke geloof en tradisie – soos weerspieël in haar liturgie, gebede en leerstellings – so ryk en omvattend is, sal dit beslis geestelike voordeel inhou vir elkeen wat sin en betekenis soek in ‘n wereld wat vinnig wegsink in sekularisasie, heidendom en totale verlating!
Lesers word uitgenooi om betrokke te raak by enige onderwerp van belang en enige vrae te stel wat betrekking het op die verskillende temas wat geopper is.
Ons doen ‘n vriendelike beroep op ons lesers om hierdie webwerf met vriende en familie te deel en te help om ‘n verskil te maak in ons geliefde land, wat deur soveel euwels bedreig word.
_____________
Die geskiedenis en diepte van die Katolieke geloof en tradisie – soos weerspieël in haar liturgie, gebede en leerstellings - so ryk en omvattend, sal beslis geestelike voordeel inhou vir elkeen wat sin en betekenis soek in ‘n wereld wat vinnig wegsink in sekularisasie, heidendom en totale verlating!
Terugkeer na Orde GEDEELTE 1 DIE LANG BROEIENDE STORM Die huidige krisis is soos ‘n broeiende storm wat dreig om die nasie te oorweldig. Hoofstuk 2 Waarom Hierdie Model Misluk het: ’n Onbeteulde Onmatigheid Om die huidige krisis te verstaan, moet ons nou kyk waarom ons koöperatiewe unie besig is om te misluk....
Een, Heilig, Katoliek en Apostolies: ’n Bybelse en Historiese Ondersoek GEDEELTE 1 INLEIDING Baie Christene word van kleins af groot met die idee dat die Katolieke Kerk bloot nóg ’n denominasie is – één opsie onder vele. In Suid-Afrika, met sy sterk Protestantse erfenis en uiteenlopende kerklike landskap, word Katolisisme dikwels as net...
Die Eucharistie: Die Hart van Apostoliese Christendom INLEIDING Vir baie Christene in Suid-Afrika is die term “Eucharistie” een wat hulle moontlik nog nooit eers teëgekom het nie. In my eie gesprekke met Protestantse Christene openbaar besprekings oor die Eucharistie dikwels nie bloot eenvoudige meningsverskil nie, maar ’n werklike onbekendheid – ten spyte daarvan...
Terugkeer na Orde GEDEELTE 1 DIE LANG BROEIENDE STORM Die huidige krisis is soos ‘n broeiende storm wat dreig om die nasie te oorweldig. Hoofstuk 1 Die Dominante Amerikaanse Model: ‘n Koöperatiewe Unie Deurgans ons geskiedenis het ons nog altyd staatgemaak op ‘n dominante sosio-ekonomiese model wat ons gehelp het om deur storms...
Terugkeer na Orde VOORWOORD Van ’n Koorsagtige Ekonomie na ’n Organiese Christelike Samelewing — Waar ons was, Hoe ons hier gekom het, en Waarheen ons moet gaan In sy meesterlike werk, “Return to Order,” dek John Horvat ‘n magdom belangrike temas van direkte relevansie vir enige persoon wat belangstel in oplossings vir die...
Wie is Prof. Plinio Corrêa de Oliveira Katolieke denker, skrywer, universiteitsprofessor, joernalis en dosent — al hierdie beskryf die lewe van Prof. Plinio Corrêa de Oliveira. So ‘n beskrywing is egter op een of ander manier onvoldoende en onvolledig. Inderdaad, hy is ‘n man wat gesien moet word in die lig van die...
Hiërargie van die Kerk Waar in die Heilige Skrif word genoem dat Christus so ‘n stelsel gegrond het? Oor die algemeen noem Christus Sy Kerk ‘n koninkryk, wat een of ander georganiseerde gesag veronderstel. Die uitdruklike stappe in die vestiging van ‘n gesaghebbende hiërargie is egter duidelik. Christus het sekere spesiale manne gekies....
Die Ware Kerk Watter positiewe bewys het jy dat die Katolieke Kerk die enigste ware Kerk is? Die bewys lê in die feit dat die Katolieke Kerk alleen presies ooreenstem met die presiese godsdiens wat deur Christus vasgestel is. Dus is die Christelike godsdiens daardie godsdiens wat— (a) deur Christus persoonlik gestig is;...
Aard van die Katolieke Kerk Wat is die Katolieke idee van die Kerk? Die Kerk is daardie sigbare samelewing van mense op aarde wat deur Jesus Christus gestig is, wat deur Hom gewaarborg is om alle dae tot aan die einde van die wêreld te bestaan, en deur Hom gestuur is om alle...
Profeet van die 20ste Eeu
Die Rede Waarom Ons Is Waar ons Is
Wat is die Katolieke Geloof Eintlik
Christelike Sosiale Orde
© 2026 Alta Pete – Mik Hoog (’n Inisiatief van Family Action South Africa)
