“Return To Order” of te wel “Terugkeer Na Orde” is die titel van ‘n meesterlike werk, wat ons as van groot belang vir Suid-Afrikaners ag. Die skrywer, John Horvat, van die Amerikaanse Vereniging vir die Verdediging van Tradisie, Familie en Eiendom, het na deeglike studies ‘n stel verhandelinge saamgestel met diepgaande eindes in sig. Deur die sosio-ekonomiese lot van Amerika te ontleed, verskaf Horvat se insiggewende kommentare verfrissende stof tot nadenke. Die meeste van sy ontledings en stellings vind aanklank in ‘n Christelike sosiale orde en is van universele toepassing. Gegewe die algemene ontbinding van soveel in ons land, ag ons by Family Action Suid-Afrika hierdie tydige artikels van kardinale belang – veral om positiewe debat oor die toekoms van ons land te stimuleer en die skril stemme van sosialiste/kommuniste wat chaos en wanorde bevorder, te verwerp.